फोन फेशवुक र वैदेशिक रोजगारः ‘दाम्पत्य जिवन बेकार’

प्रेम सुनार गुल्मी, पौष ५ । 
गुल्मी नयाँगाउका विष्णु जिसीले विवाह गरेको एक हप्ता नपुगेकी अर्काकी नव दुलहीलाई भगाएर हिडे । मंसिर १८ गते छिमेकी जिल्ला अर्घाखाँचीको मरेङ्गमा विवाह भएकी १६ वर्षिया कामना (नाम परिवर्तन ) लाई मंसिर २५ गते भगाएर वुटवल पुराए । उता नव दुलाहका परिवारजनले उजुरी दिए पछि जिल्ला प्रहरी कार्यालय गुल्मीमा झिकाईयो ।
दुवै पक्षले वाहिरै छलफल गरेर जो संग भागेकी थिईन् उनैको जिम्मा लगाए । उता एक हप्ते दुलाह छुट्टिए । दर्लामचौरका एक पुरुष वैदेशिक रोजगारमा थिए । उनकी ४० वर्ष उमेरकी श्रीमतिलाई १६ वर्षे वैंसले कुतकुताएर स्थानिय १८ वर्षका युवा संग तिन सन्तानको विचल्ली पारेर टाप कसिन् । दर्लामचौरकै वैदेशिक रोजगारमा गएका अर्का पुरुषकी त्यतिनै उमेरकी श्रीमतिलाई १७ वर्षिय आफ्नै भतिजाले भगाएर तम्घासको होटलमा राखेको खुलसा भयो ।
भारतको रोजगारमा रहेका वडागाउँ–३ दजाकोटका मिनबहादुर सर्तुङ्गे यति दुई वर्षदेखि पाकीस्तानको जेलमा छन् । भारतको मालिकले माछा पार्ने काममा लगायो । माछा मार्ने क्रममा सामुन्द्रिक सिमनाको पाकिस्तानी प्रहरीले पक्राउ गरेर जेल हाल्यो । त्यस्तो अवस्थामा भाईको उद्धारमा जुट्नु पर्ने दाजु ओमबहादुरले उनकी श्रीमति अर्थात भाई वुहारी भगाएर हिडे ।
तिन चार वर्षका छोराहरुलाई विचल्ली पारेर हिडेकी उनकी श्रीमति विष्णु र दाजु अहिले वाग्लुङ्गको खालामा गएर वसेको छिमेकी अनिल सर्तुङ्गे बताउ छन् । यता ७० को नेटो काटेका हजुर वुवा मात्रै घरमा छन् । सम्पत्ती केहि छैन् । ति वृद्धले काम गरेर पनि ति दुई नावालक नातीहरुको पालन पोषण र पठन पाठन गराउन सक्ने अवस्था छैन् । छिमेकी सर्तुङ्गे भन्छन् –‘ साह्रै विचल्ली छ , वेलामा खान पनि पाउँदैनन् । ‘ फोन फेशवुकले निकै विकृति ल्याएको छ ’–सर्तुङ्गेले थपे हाड नातमै यस्तो नजाय सम्वन्ध अन्यत्र पनि बढेको सुन्दा माया सम्वन्ध र दाम्पत्य जिवन पनि बेकार जस्तो लाग्न थालेको छ । ’
मरभुङ्गका वसन्त पौड्याल कतारमा रोजगारी गर्दा कपलिवस्तुकी गिता पराजुली संग फेश वुकमा माया प्रगाढ बनाएर फेशवुकमै विवाहको टुङ्गो लगाए । त्यहाँबाट फर्केका पौड्ल र पराजुलीको वुटवलमा भेट भयो र शिद्धवावको मन्दिरमा विवाह गरी घर आए । घर आउँदा उनको श्रीमति र सन्तान समेत देखे पछि पराजुली छाँगाबाट खसे जस्तो भईन् । अविवाहित हुँ भनेर फेशवुकमा ढाँटेका पौड्यालले जेठी श्रीमतिबाट वहु विवाहको मुद्धा खेप्नु प¥यो ।
जिल्ला अदालत गुल्मीका अनुसार ति दुवैलाई अहिले पुर्पक्षका लागि २५ हजार धरौटी लिएर छाडिएको छ । विकट गाविस दर्लिङ्गको दुनाम गाउँमा पनि त्यस्तै भयो । विश्वकर्मा थरका विसा–वाईसे उमेरका युवाले विदेशमा छँदा नवलपसीकी महिला संग फोनै फोनमा प्रेम सम्वन्ध राखे । उनि घर फर्किए पछि प्रेमीकालाई वोलाए । उनि नवलपसाीबाट घर जाम गर्न भन्दै चाउरी परेको गालामा क्रिम पाउडर घसेर दर्लिङ्ग आईन् ।
दुनाम नपुग्दै दर्लिङ्गको विद्यालय नजिकै तालिम गर्दै गरेकी वहिनीलाई विश्वकर्माले भने–‘ कस्ती रै’छ, हेर्न वहिनी ।’ वहिनीले नजिक पुगेर हेरिन् । मुखमा माक्स लगाएकी । झण्डै चालिसको नेटो काटेकी । पछि वुझ्दै जाँदा श्रीमान विदेश, प्रेमीकै उमेरको उनको छोरा पनि विदेश भएको कुरा खुलसा भयो । त्यस पछि विश्वकर्मा पनि छाँगाबाट खसे जस्तै भए । अन्ततः प्रेमीकालाई दुनामबाट लिन आउनु पर्ने प्रेमीले फोनमा झपार्दै भने–‘ खुरुक्क लागेर फर्किन्छेस् की त्यही आएर लखटौं ? ’ त्यस पछि डरले वुढो वैंसले कुतकुताएकी ति महिला त्यहीबाट कुलेलाम टोकीन् ।
यस्तो हाँसो उठ्दो र लाजमर्दो प्रेम सम्वन्धका कारण कतै सम्वन्ध हुने त कतै विच्छेद हुने क्रम बढि रहेको बेला हामी जिल्ला अदालतमा गत चालु वर्षमा भएको सम्वन्ध विच्छेदका मुद्धा विवरण लिन पुगेका थियौं । त्यस अदालतका श्रेस्तेदार श्याम मौर्यले दिएको जानकारी अनसुसार यस वर्षको ६ महिनाकै अन्तरारलमा अघिल्लो वर्षको सम्वन्ध विच्छेदको मुुद्धाको संख्यालाई उछिनेको् छ ।
श्रावण मशान्त देखि अहिले सम्म ३६ वटा सम्वन्ध विच्छेदका मुुद्धा परेका छन् । जवकी आर्थिक वर्ष २०६९÷०७० भर कुल मुद्धाको २५ प्रतिशत सम्वन्ध विच्छेदको मुद्धा परेको थियो भने यो वर्ष ६ महिनाकै अन्तरालमा ३० प्रतिशत सम्वन्ध विच्छेद्का मुदा परेको श्रेस्तेदार मौर्यले बताए । मोवाईल फोन , फेशवुकबाट देख्दै नदेखी र वुझ्दै नवुझी लगाईएको माया प्रेम, वैदेशिक रोजगार सम्वन्ध विच्छेदको प्रमुख कारण हुन सक्ने अदालत श्रोतको ठम्याई छ ।
जिल्ला प्रहरी कार्यालयमा परेका ५४ वटा घरेलु हिंसाका उजुरी मध्ये बढि मात्रमा बैेदेशिक रोजगारबाट श्रीमान फर्किदा पिडित बनेकी श्रीमति वा श्रीमान देखिएका छन् । त्यस कार्यालयकी महिला तथा वालवालिका सेलकी प्रहरी जवान ईन्द्रकुमारी जैसीका अनुसार ४ जना पत्नी पिडित पुरुषले श्रीमतिबाट न्याय दिलाई पाउँ भनि उजुरी दिएका छन् । त्यसो त पाका पुरुषहरुबाट पिडित हुने महिलाको सख्या पनि बढि देखिएको छ । श्रीमतिको उमेर ढल्कीए लगत्तै कलिला युवतीहरु माथी नजर डुलाउँदै जाने र विवाह गरे भगाउने प्रवृद्धिका कारण महिलाहरु पिडित बनेको पाईएको छ ।
बिशेषतः चिन्दै नचिनी फेशवुक र मोवाईल फोनको झुटो परिचयबाट धेरै पुरुष र महिलाहरुले धोका खाँदै आएका छन् । यस प्रति सजग नहुने हो भने सम्वन्ध विच्छेदको सख्या बढ्ने मात्र होईन् समाजमा थप बिकृति समेत बढ्ने देखिएको छ ।

Posted in: अन्य समाग्री