गुल्मी , २६ फाल्गुन।नेपाली समय दिउँसो ३. ५२ । एक अनलाईनमा गुल्मीको ठुलोलुम्पेक जिप दुर्घनामा मृत्यु भएको भनिएका एक जना यो समाचार लेख्न बेला सम्म प्रहरीले जिवितै रहेको बताएको छ ।
ठुलोलुम्पेकबाट वुटवल जाँदै गरेको लु १ ज १९५८ नम्वरको जिप सोही गाविसको वडा नम्वर ३ को कुँडहरामा दुर्घटना हुँदा एक जना सिकिस्त, ५ जना घम्भीर घाईते र ४ जना सामन्य घाईते रहेको घटना स्थल पुगेको रिडी ईलाका प्रहरी कार्यालय प्रमुख प्रहरी निरक्षक केशव चन्दले जानकारी दिए ।
सिकीस्त घाईते वडा नम्वर ३ का ७० वर्षिय सन्तबहादुर राहडी हुन् । ‘उहँलाई पाल्पा पुराई सकिएको छ’ स्थानिय समाज सेवी अमर सिंजापतिले भने ‘अहिले सम्म डाक्टरले मृतक घोषणा नगरे पछि कसरी मृत्यु भयो भन्ने ? ‘ उनि अचेत अवस्थामा भएकोले बाँच्ने आशा भने कमै गर्न सकिने उनले बताए । उनका साथमा छोरा श्याम पाल्पा पुगेका छन् । उनले पनि निधो दिन सकेनन् । फोनमा उनले भने–‘पाल्पा ल्याएर वुवाको एसीजी गरिएको छ तर डाक्टरले केहि भनेका छैनन्, बाटोमा जिवितै ल्याएका हौं ।’ उनले अहिले भने आशा मारी सकेको बताए ।
अन्य घम्भीर घाईतेहरुमा ठुलोलुम्पेक ३ कै ६० वर्षिय ओलजित तरामु, सोही वडाकी ७० वर्षिया खगिस्वरा राहडी, ठुलोलुम्पेक ४ का ६५ वर्षिय देउबहादुर राहडी र सोही वडाकी ६० वर्षिया धनमाया राहडी रहेको र उनिहरुलाई उपचारका लागि पाल्पा पठाईएको प्रहरी निरक्षक चन्दले बताए ।
उनका अनुसार अन्य सामन्य घाईतेहरुमा ठुलोलुम्पेक ३ का १९ वर्षिय तेजमान राहडी, सोही वडा वर्ष १० का ओम राहडी, पाल्पाका थम्मन थापा, ग्वाँदी निवासी चालक डम्वर कुँवर रहेको र उनिहरुको रिडी उपस्वास्थ्यचौकीमा उपचार भई रहेको चन्दले पछिल्लो जानकाी दिए । ‘जिप अन्दाजी ६० मिटर तल खसेको छ र क्षतविच्छेद अवस्थामा छ’ उनले भने ‘सन्तबहादुरको अवस्था चिन्ता जनक छ तर घटना स्थल मैं मृत्यु भयो भन्ने समाचार कतै आएको छ भने त्यो गलत हो ।’
‘उनिहरुलाई पाल्पा पठाए कै झण्डै एक घण्टा भयो तर कुनै अप्रिय खवर पाएका छैन’् उनले भने ‘म घटना स्थलबाट फर्केर रुद्रवेणी आई पुगेको छु, थप कुरा आए जानकारी दिउँला ।’ तर एक अनलाईनले भने पौने एक घण्टा अघि नै एक जनाको घटना स्थल मैं मृत्यु भनेर समाचार प्रशारण गरे पछि त्यसैको आधारमा केहि रेडियोहरुले पनि प्रशारण गरेका छन् ।
0 $type={blogger}:
Post a Comment