बधाई सोमपाल !

मेरो घर गुल्मीको हस्तिचौरमा भएपनि मेरो करिब ५ बर्षे बसाई तम्घासमा भयो । होली र चुनावी मौसममा रंगीन बन्थ्यो तम्घास । तर मंगलबार एउटा फरकपनाबाट रंगीन बन्यो तम्घास, तम्घासमा क्रिक्रेट खेलाडी सोमपाल कामीको स्वागतले,सामाजिक सञ्जालमा गुल्मी र सोमपाललाई माया गर्नेहरुको खुसी पोख्खीरहेको थियो । शब्द र उनि संग कैद गरीएका तस्वीरले म पनि एक्लै ति तस्वीर हेर्दै खुसी र गौरव दर्शारहेकी थिए ।

हासेँर, रोएर । कहिले याद गर्थे बंगलादेशमा सोमपालले देखाएको प्रस्तुतीमा खुसी बनेर चिच्याएको धन्य सोमपाल सोमपाललाई जन्माउने गुल्मेली माटो । गुल्मी तुराङ्गको मजुवामा जन्मीएका सोमपालको पछिल्लो समयको चर्चाले गौरव गर्ने बाटो म जस्तै हजारौ गुल्मेलीलाई खुल्ला भएको छ । म खासै क्रिक्रेट खेल हेर्दिनथे र बुझदिनथे पनि कहिले काँहि फुटबल हेर्ने गर्थे, तर जब म काठमाण्डौ आए त्यो समय नेपाली त्रिक्रेट टोली ट्वान्टी ट्वान्टी बिश्वकपका लागी छनोट भएको थियो । संगै नयाँ खेलाडी राष्ट्रिय टिममा समेत सहभागी बने गुल्मीका सोमपाल कामी, म उत्सुक थिए क्रिक्रेट बुभm्न संयोग पनि मेरो फुपुको छोरी दिदि क्रिक्रेटको यति क्रेजी त्यसको कुरै छोडौ । मलाई झन सजिलो भयो । दिदिले मलाई क्रिक्रेट खेलबारे बुझाउन एक हप्ता लाग्यो त्यहि पनि पचास पटक गाली गरी गरी मैले खेलाडी आउट नहुदै आउट भनीदिदाँ दिदिले उल्टै मलाई असुभ बोल्ने भनेर गाली गर्नुहुन्थ्यो । बुझाउन नसक्ने भए भन्दै थकित पनि बन्नुभयो । क्रिक्रेट खेलबारे बुभmन कहिले काहीँ टिभिमा लाईभ संगै अनलाईमा अपडेट हेर्ने गर्थे बिस्तारै क्रिक्रेट खेलको बारेमा बुभmदै गए । जब बंगलादेशको चटगाउँ नेपाली झण्डा र नेपालको आबाजले गुञ्जीरहेको थियो महशुस हुन्थयो रेसुङ्गा पनि सोमपालको प्रस्तुतिले मुस्कुराइरहेको छ । म संग त्यो समय बोल्ने र भन्ने कुनै शब्द थिएन क्रिक्रेट हेर्दा हेर्दै रोएर दिदिले फकाएको याद छ । ति आशुँ खुसीका थिए । हुनत नेपाल नेपाल आबाजले रङ्गीएको चटगाउँमा नेपाल र पारस आएपनि एउटा कोठाले सुन्ने मेरो आवाजमा भने सोमपाल र गुल्मी नै आउथ्यो । ब्याटिङ, बलिङ, फिल्डीङ जोले राम्रो गरोस मलाई प्रवाह थिएन् । जो आए पनि म चिच्याई सोमपाल सोमपाल नाम नै भन्थ्ये,

 बंगलादेश संग पराजित भए पनि हङकङ र अफगानिस्तानलाई हराउन सोमपालको भुमिका पनि कम्ता थिएन् । अर्को दिन कलेजमा चिया पसलमा बसेकाले पनि चर्चा क्रिक्रेट कै गरेका थिए । त्यो चर्चामा पनि सोमपाल कै नाम अझ खुसिको सिमा थिएन् । त्यो चर्चामा सोमपालको नामको पनि खुबै प्रशंसक थिए उनिहरु भन्दै थिए “सोमपाल नाम कसले कसरी राखे होला ?”खुबै युनिक नाम भन्दै थिए । अझ उनको फास्ट बलरको उपनाम पनि उत्तिकै चर्चित बन्यो,यि र यस्तै सोमपालको चर्चा गर्ने म जस्तै लाखौं छन् । उनिहरु सोमपालका पछाडी गुल्मी पनि भनिरहेका छन् । सोमपाललाई मंगलबार सदरमुकाम तम्घासमा बिभिन्न संघसस्था, क्लब, खेलकुद बिकास समिति लगाएत गुल्मेली सम्मान गरेको यो हौसलले पनि अब सोमपाल जस्ता अरु जन्मीनेछन् । सोमपाल कामी गुल्मीको प्रतिनिधित्व मात्र गरेका छैनन् । उनले दलित समुदायको समेत प्रतिनिधित्व गरेका छन् । अझै पनि जातिय मुद्दाका बिषयमा गुल्मी हुने बिभिन्न घटनाका समाचार बाहिर आइरहेका बेला दलित समुदायका ब्यक्तिको यो सम्मान र कामले पनि जातियताका नाममा बिभेद गर्नेलाई दरिलो झाप्पड दिएको छ । अब यो गौरवलाई बचाई राख्न पनि आबश्यक छ । सोमपालका गुल्मीमा जन्मघर भएता पनि उनिका बुबा ममि भारतमा बस्नुहुन्छ । अब सोमपालले पनि सो सम्मानबाट आफुलाई गुल्मीमा क्रिक्रेटलागी काम गर्ने दायित्व थपिएको महशुस गर्नेछन् । यसको लागी खेलकुदको क्षेत्रमा काम गर्ने संघसस्थाले सहयोग र बिद्यालय स्तरबाट पनि बिद्यार्थीलाई खेल प्रति चासो र चिन्तीत शिक्षा कार्यालय बिद्यालय,क्लब,समुहले काम गर्न सकुन् ।

जय सोमपाल जय गुल्मी,
संगिता कुवँर
गुल्मी,

Posted in: साहित्य/लेख रचना