' उपेन्द्रले भने, ‘जंगबहादुर नै ठिक’काठमाडौ, पुस २८
नेकपा एमालेका पोलिटब्यूरो सदस्य एवं प्रचार–प्रसार प्रमुख प्रदिप ज्ञवालीले नेपाल ‘रअ’ को भरमा चलेको खुलासा गरेका छन् । नेपाली राजनीतिमा भारतीय गुप्तचर संस्था ‘रअ’ को प्रत्यक्ष हस्तक्षेप भएकाले राष्ट्रियता खतरामा परेको बताए ।
नेपाली राजनीतिकको घर घरमा ‘रअ’ को प्रवेश छ अनि हामी राष्ट्रियताको कुरा गर्छौ, उनले भने–‘जो सबभन्दा बढी राष्ट्रियताको कुरा गर्छन् उनै व्यक्ति भारतको शरणमा जान्छन् ।’ आइतवार ग्रिनवीच मिडिया रिसर्च सेन्टरले आयोजना गरेको एक अन्तरक्रिया कार्यक्रममा उहाँले देश परनिर्भर छ, एक्स ब्यूरोक्राइसको भरमा चलिरहेका छन् । अर्काको सल्लाह नलिइकन एककदम पनि चल्न नसक्ने राजनीतिक दलबाट यो देशले उभो लाग्छ भने विश्वास गर्न नसकिने धारणा राखे ।
नेपाली काँग्रेसका नेता मनमोहन भट्टराईले नेपाली राजनीतिमा ‘रअ’ को हस्तक्षेपमा परिवर्तन आएको दावी गरे । उनले पहिला जस्तो अहिले हस्तक्षेप नरहेको बताए । आफ्नो पार्टी ठुलो पार्टी भएको हुनाले होला, उनले विगतको सरकार र तत्कालिन अवस्थामा विदेशीको जस्तो हस्तक्षेप थियो त्यस्तो अहिले नरहेको समेत दावी गरे । उनले भने, ‘पहिला हरेक काम एजेन्सीमार्फत हुन्थ्यो तर अहिले त्यो अवस्थामा परिवर्तन भएको छ ।’ अरुले कुनै कुरामा हस्तक्षेप गरेको छ भने आफू चुप लागे भने झन हस्तक्षेप हुने भएकाले त्यस्तो प्रवृतिलाई विरोध गर्नुपर्ने उनले उल्लेख गरे ।
मधेशी जनअधिकार फोरम नेपालका अध्यक्ष उपेन्द्र यादवले नेपाली राजनीतिमा विदेशी हस्तक्षेपको पराकाष्ठा नाघेको बताएका छन् । नेपाली नेता हरेक कुराका लागि प्रभुलाई नै गुहार्छ, अरुको इशाराबाहेक उनीहरु एककदम पनि अगाडि बढ्न सक्दैन, उनले भने, ‘यो भन्दा राम्रो त जंगबहादुर राणाको शासन नै ठीक थियो । कमसे कम तरबार देखाएर भएपनि राष्ट्रियता जोगाएका थिए तर अहिले देश लाजमर्दो अवस्थामा पुगेको छ ।’ यस्तो परनिर्भरता जंगबहादुर त के राजा विरेन्द्रको पालामा पनि थिएन, उनले भने, ‘यसरी गणतन्त्रलाई उपहास गर्ने नेताहरु भन्दा ती जंगवहादुरहरु नै ठीक ।
0 $type={blogger}:
Post a Comment