दोस्रो बार्षिक उत्सव सम्पन्न ( पुरुष भलिबलको उपाधी द ग्यालेक्सी युवा क्लव इस्मा रजस्थललाई )

गुल्मी, कात्तिक ६ ।जय अम्बिका युवा क्लव अर्जै ९ फुलबारीको दोस्रो बार्षिक उत्सव सम्पन्न भएको छ । दोस्रो बार्षिक उत्सवको अवसरमा खुल्ला पुरुष भलिबल प्रतियोगिता, रस्सा कस्सी प्रतियोगिता, कुर्ची दौड प्रतियोगिता, मिठाईदौड प्रतियोगिता, घैटो फोर प्रतियोगिता र बृहत सांस्कृतिक कार्यक्रमको आयोजना गरिएको थियो ।यसैबीच खुल्ला पुरुष भलिबलको उपाधी द ग्यालेक्सी युवा क्लव इस्मा रजस्थलले हात पारेको छ । यसैगरी थ्रि एक्सन युवा क्लव इस्मा रजस्थल सिरार द्धितिय तथा वाग्ला ४ को समुह तृतिय भएको आयोजकले जनाएको छ । विजयी टिमले क्रमश ८ हजार, ६ हजार, ४ हजार सहित कप मेडल र प्रमाणपत्र हात पारे । यसैगरी रस्सा कस्सी प्रतियोगितामा रोहित सिथिएनको समुह विजयी भएको छ । कुर्ची दौड प्रतियोगितामा कृष्ण महत प्रथम, बेगम थापा द्धितिय र मञ्जु गौतम तृतिय भएको क्लवका सचिव सुरेश भुषालले जानकारी दिए । मिठाईदौड प्रतियोगितामा जिवन झाक्रि मगर विजयी भएका छन् । यसैगरी घैटो फोर प्रतियोगितामा राधिका लम्साल प्रथम र चन्द्र महत द्धितिय भएको बताइएको छ । तीन दिन सम्म सञ्चालन भएको कार्यक्रममा भलिवलतर्फ ११ टिमको सहभागिता रहेको थियो । कार्यक्रममा क्लवका अध्यक्ष प्रकाश पराजुलीको सभापतित्व, जिल्ला खेलकुद विकास समिति गुल्मीका अध्यक्ष्ँ गोविन्द वि.क.को प्रमुख आतिथ्यता रहेको थियो । कार्यक्रम क्लवका प्रेस सल्लाहकार विकाश पराजुलीको स्वागत तथा आजिवन सदस्य शुसिल अर्यालको सञ्चालनमा सम्पन्न भएको थियो ।

Posted in: स्थानिय समाचार